Demokratiya Məktəbi

Dalğaçılar Enn Dörsi ilə görüşdü

Penah8482 — Sun, 26 Apr 2009 17:02:20 GMT

ABŞ səfiri önəmli açıqlamalar verdi; «Amerika və Avropa ölkələri demokratiyanı qutuya qoyub Azərbaycana təqdim edə bilməz» dedi

Dünən Dalğa Gənclər Hərəkatının Demokratiya Məktəbinin təşəbbüsü ilə ABŞ səfirliyi və ictimaiyyət nümayəndələri arasında görüş təşkil olunub. Görüşdə Dalğa GH-nin üzvləri, Demokratiya Məktəbinin tələbələri, jurnalistlər və digər təşkilatların təmsilçiləri iştirak edib.
Görüşün əsas məqsədi insanları çoxdan düşündürən bir suala aydınlıq gətirmək olub: «Demokratiyanı biz ozümüz qazanmalıyıq, yoxsa onu kimsə bizə verməlidir?» Xüsusən Avropa Şurasının Azərbaycanla bağlı keçmiş həmməruzəçisi Andreas Qrossun bu yaxınlarda verdiyi və geniş müzakirə mövzusuna çevrilən “Demokratiya humanitar yardım deyil” tezisi sözügedən görüşün keçirilməsini xeyli aktuallaşdırmışdı.
Görüşü giriş sözü ilə Dalğa GH-nin sədri Vəfa Cəfərova açıb. Xanım Cəfərova tədbir haqqında ümümi məlumat verdikdən sonra Demokratiya Akademiyasının prezidenti Ramin Hacılı rəhbəri olduğu bu yeni layihə və Lənkəran Dövlət Universitetindən (LDU) qanunsuz xaric edilən Pərviz Əzimovun işi ilə bağlı qonaqları məlumatlandırıb.
Daha sonra söz ABŞ-ın ölkəmizdəki səfiri Enn Dörsiyə verilib. Xanım səfir öncə çox əsrlik tarixə malik ABŞ demokratiyası barədə iştirakçılara ətraflı məlumat verib: “Bizim ölkədə demokratiya insanlara hələ baxçaya gedərkən öyrədilir. Bu səbəbdən də ABŞ-da demokratik prinsiplər hər kəs tərəfindən qorunub-saxlanılır. Əgər Azərbaycanla ABŞ-ı müqayisə etsək və sizin ölkənizdə demokratiyanın nədən hələ də olmaması barədə danışsaq, mən bir amili mütləq diqqətinizə çatdırmalıyam ki, Amerikada konqres xalqın səsidir. Hər il konqres adminstrasiyadan insan haqlarına dair hesabat tələb edir. Bu isə dövlətin demokratik prinsiplərə riayət məsələsində məsuliyyətini artırır”.
Demokratiyanın heç bir ölkənin daxili işi olmadığını, insan haqları məsələsinin sərhəd tanımadığını qeyd edən xanım səfir deyib ki, buna görə də hansısa dövlətin öz ölkəsində yaranan demokratik problemlərə görə başqalarının tənqidinə biganə yanaşmağa, «mən bilərəm, öz vətəndaşımla necə rəftar edirəm» prinsipi ilə hərəkət etməyə ixtiyarı yoxdur: “Beynəlxalq hüquqi sənədlərə imza atan istənilən dövlət bununla qəbul etmiş olur ki, öz ərazisində insan haqları ilə bağlı yaranan problem artıq yalnız onun daxili işi olmaqdan çıxır və qlobal məsələyə çevrilir. ABŞ hökuməti belə düşünür, çünki demokratiya və insan haqları bütövlükdə ABŞ-ın milli dəyərlərini təşkil edir.”
Andreas Qrossun məlum tezisi ətrafında danışan Enni Dörsi keçmiş həmməruzəçiylə qismən razılaşdığını deyib: “ABŞ və Avropa ölkələri demokratiyanı qutuya qoyub, Azərbaycana verə bilməz. Demokratiya prinsiplərinin reallaşması hər bir ölkənin öz daxilindən başlanmalıdır. Demokratiya elə bir məsələdir ki, onunla gündəlik ilgilənməlisən, bunu bir yaşayış və düşüncə tərzinə çevirməlisən. Baxmayaraq ki, ABŞ günümüzdə demokratiya sahəsində lider dövlətdir, amma demokratiya məsələləri bizdə gündəlik prioritetini təşkil edir, çünki hesab edir ki, ABŞ-da hələ də demokratiyanın tam təkmilləşdirilməsinə ehtiyac var”
Enn Dörsi, “biz birmənalı olaraq qəbul etmirik ki, guya Azərbaycan xalqı demokratiyaya hazır deyil. Bu tamam yalnış fikirdir» deyərək, əlavə edib ki, Qərbdə gerçəkləşdirilən demokratiya modellərinin Şərq üçün uyğun olmaması barədə səslənən iddiaları da doğru saymır.
Qeyd edək ki, görüş zamanı Lənkəran Dövlət Universitetindən qanunsuz şəkildə uzaqlaşdırılan tələbə Pərviz Əzimovun məsələsinə də toxunan xanım səfir, bu barədə məlumatlı olduğunu deyib: “Biz bilirik ki, Pərviz Əzimov jurnalist fəaliyyətinə görə həmin universitetdən qovulub. Buradan bəyan edirk ki, biz onu sona qədər müdafiə edəcəyik, o vaxtadək ki, Pərvizin tapdanmış haqları bərpa edilsin”
Dalğa GH-nin üzvü Anar Əsgərin «bu yöndə konkret hansı köməklikləri edə bilərsiniz» sualına isə xanım səfir belə cavab verib: “Öncə qeyd etməliyəm ki, sizin öz dostunuzu müdafiə etməyiniz məni çox sevindirir. Bizim köməkliklərə gəldikdə isə, bu məsələ ilə bağlı yaxın vaxtlarda biz sizin təhsil naziriniz ilə görüşəcək və problemin həlli üçün bütün digər qanuni yollardan istifadə edəcəyik”.
Tədbirin sonrakı hissəsi qarşılıqlı diskussiya şəklində davam edib.

Daha cox şəkilə baxmaq üçün aşağıdakı linkə basın!

Elan

Demschool — Thu, 23 Apr 2009 08:38:32 GMT

ABŞ Azərbaycanda Demokratiyanın inkişafına necə dəstək verməlidir?

ƏZİZ GƏNCLƏR!

DALĞA Gənclər Hərəkatı, Demokratiya Məktəbinin təşkilatçılığı ilə

25 APREL, SAAT 15:00'da

ABŞ Azərbaycanda Demokratiyanın necə dəstək verməlidir?

MÜHAZİRƏÇİ: ABŞ-ın Azərbaycandakı səfiri xanım Enn Dersi

UNVAN: Azərbaycan Media Mərkəzi (Dilarə Əliyeva küçəsi, 218)

TEL: (050) 526 13 13 (Rövşən) (055) 739 79 38 (Pənah)

QEYD: Tanımayanlar 14:30-dan 14:50-ə qədər 28 may metrosu yaxınlığında, Cəfər Cabbarlı heykəlinin qarşısına gələ bilərlər. Əlavə məlumat üçün göstərilmiş telefonlarla və/və ya email ilə əlaqə saxlaya bilərsiniz.

Dalğa Gənclər Hərəkatı - “Demokratiya Məktəbi” tələbələrinə diplomları təqdim etdi.

Demschool — Thu, 09 Apr 2009 13:08:47 GMT

5 aprel 2009-cu il tarixində “Demokratiya Məktəbi”nin tələbələrinə diplomların təqdim etmə mərasimi təşkil olunub. Mərasim zamanı məktəbin direktoru Ramin Hacılı məktəbi uğurla başa vurmuş tələbələri təbrik edib və onlara diplomlarını təqdim edib.Müəyyən səbəblərdən mərasimə gələ bilməyən tələbələr Dalğa Gənclər Hərəkatının mərəkəzi ofisi ilə əlaqə saxlayıb diplomlarını əldə edə bilərlər.Qeyd edekki. “Demokratiya məktəbi” layihəsini Azərbaycanın aktiv gənclər hərəkatılarından biri olan Dalğa Gənclər Hərəkatı həyata keçirir. Layihə çərçivəsində “Demokratiya məktəbi”nin təsis olunub, bu məktəbin tərkibində demokratiyanın tədris edilib, hemcinin demokratik vətəndaşlıq mövzularında kursların təşkil olunub, Kurs iştirakçıları üçün dərs vəsaitləri hazırlanıb. Eləcə də, kurs iştirakçılarının şəbəkəsinin yaradılması da həyata kecirilib. Gənclər arasında demokratiya haqqında kütləvi maarifləndirməni həyata keçirmək üçün qəzet əlavəsi və web-sayt yaradılıb. 12 ay müddətində davam etmiş layihə Bakı şəhərində reallaşıb. Layihəni ABŞ-ın “Demokratiyaya Yardım Fondu” (NED) maliyyələşib. Ümumilikdə layihənin məqsədi Azərbaycan gəncliyinə demokratiya konsepsiyasını izah etmək, onun dəyərlərini yaymaq və demokratik vətəndaşlıq üzrə maarifləndirməni həyata keçirmək olub. Hər qrupda 25 tələbə olmaqla 100 tələbə məzun olub.Sonda onu da qeyd ki, Dalğa Gənclər Hərəkatı “Demokratiya Məktəbi”ni öz imkanları hesabına davam etdirmək niyyətindədir. Bu məqsədlə artıq 6-cı qrup təsis edilib. Və tələbə yığımı davam edir. Hərəkatın öz imkanları hesabına davam etdirəcəyi “Demokratiya Məktəbi”nin bundan sonra ki, direktoru Pənah Əlisoy olacaq.

Əlavə məlumat üçün aşağdakı kordinatlara müraciət edə bilərsiniz.

Tel (mob): 055 739 79 38

Tel (ofis): 012 5960623

012 5961496

Email: demschool@gmail.com

Web: www.demschool.clan.su

"Demokratiya Məktəbi" layihəsi bitdi

Penah — Mon, 06 Apr 2009 17:42:05 GMT

Dalğa Gənclər Hərəkatının 1 il boyunca həyata keçirdiyi Demokratiya Məktəbi layihəsi artıq başa çatıb. Bu layihə ABŞ-ın Demokratiya üçün Yardım Fondu - NED tərəfindən maliyyələşdirilib. Amma layihə müddətinin başa çatması hələ Demokratiya Məktəbinin bağlanması deyil. Artıq Hərəkat öz imkanları hesabına Demokratiya Məktəbini davam etdirməkdədir. Daha bir dəyişiklik: məktəbin direktoru bundan sonra Ramin Hacılı deyil, Pənah Əlisoy olacaq.
Məktəbin formatında isə ciddi dəyişikliklər olmayacaq, əksinə, Demokratiya Məktəbi bundan sonra öz hədəflərinə yetişmək üçün daha da parlaq fəaliyyət göstərəcək.
Qeyd edək ki, Dalğa Gənclər Hərəkatı NED fondu ilə növbəti bir il ərzində Demokratiya Akademiyası layihəsini həyata keçirir. Layihənin ümumi məbləği 23. 172 ABŞ dolları nəzərdə tutulub. Layihə çərçivəsində aşağıdakı işlərin həyata keçirilməsi planlaşdırılır:
- Akademiyaya müraciət edən 24 tələbə üçün araşdırma mövzu təqdim olunacaq və tələbələr seçəcəkləri mövzu ilə bağlı araşdırmalar aparacaq. Araşdırmanın nəticələri ictimaiyyətə təqdim olunmaqla yanaşı, bütün araşdırmaların müəllifləri Akademiyanın xüsusi diplomi ilə təltif olunacaq;
- Layihə çərçivəsində regionlarda Demokratiya Məktəbləri yaradılacaq;
- Ayda bir dəfə demokratik dəyərlər ətrafında tanınmış ziyalıların iştirakı ilə ictimai müzakirələr təşkil olunacaq;
- «Alma» qəzetində ayda bir dəfə olmaqla, “Demokratiya» əlavəsi çap ediləcək.
Qeyd edək ki, Demokratiya Akademiyasının prezidenti Ramin Hacılıdır. Artıq Akademiyanın komissiya heyəti formalaşmaqdadır və yaxın günlərdə Akedemiyanın iş fəaliyyəti ilə bağlı, həmçinin komissiya üzvləri cəmiyyətə təqdim olunacaq.

"Platon Akademiyası" haqqında oxumaq istəyirsinizsə aşağıdakı linkə daxil ola bilərsiniz

http://demschool.clan.su/publ/3-1-0-20

Press Reliz

Penah — Fri, 27 Mar 2009 11:09:10 GMT

Dalğaçılar Martha Beardla görüşdü

26 mart saat 14:30-da Dalğa Gənclər Hərəkatının (Dalğa GH) üzvləri Amerikanın Demokratiya üçün Yardım Fondunun (National Endowment for Democracy) Mərkəzi Asiya və Qafqaz üzrə koordinatoru Martha Beard ilə görüş keçirib. Görüş zamanı Dalğa Gənclər Hərəkatının adı çəkilən fondun maliyyə dəstəyi ilə həyata keçirdiyi “Demokratiya Məktəbi”nin cəmiyyətdə mövqeyi, fikirlər və proqram çərçivəsində “Demokratiya Akademiyası” layihəsində nəzərdə tutulan işlər müzakirə olunub.

Xanım Martha Beard Dalğa Gənclər Hərəkatının həyata keçirdiyi digər layihələrlə də maraqlanıb. Hərəkatın nümayəndələri qonağa ölkədəki ictimai-siyasi vəziyyətlə də bağlı məlumat vermişlər. Bütün bunlarla yanaşı Dalğa Gənclər Hərəkatının bundan sonrakı fəaliyyətində DYF (NED) ilə əməkdaşlığın daha da artırılması qərara alınmışdır.

Press Reliz

Penah — Sat, 14 Mar 2009 16:34:38 GMT

Demokratiya Məktəbinin növbəti dərsləri başlayır

Dalğa Gənclər Hərəkatının ABŞ-ın NED (Demokratiya üçün Yardım Fondu) fondu ilə birgə keçirdiyi “Demokratiya Məktəbi” layihəsi başa çatmışdır.Layihənin uğurlu olması və “Demokratiya Məktəbi”nin tələbəsi olmaq üçün müraciət edənlərin çoxlu olması, məktəbin bundan sonrada davam etməsi üçün qərar verməmizə səbəb oldu. Dalğa Gənclər Hərəkatı layihəni öz hesabına davam etdirmək qərarına gəlmişdir. Həmçinin Hərəkatın İdarə Heyətində qərara almışdır ki, bundan sonra hər üç aydan bir 25 tələbənin iştirakı ilə məktəb davam etdirilsin. Buna uyğun olaraq dekabr ayından etibarən beşinçi qrupun dərsləri başlamışdır. Dekabr, yanvarç fevral aylarında daha 25 tələbə “Demokratiya Məktəbi”ni uğurla başa vurmuşdur. Yaxın zamanlarda onlarında diplomları təqdim olunacaq.

Libertarianizm (Məruzəçi: Rəşad Şirin)

Penah — Wed, 04 Mar 2009 11:56:52 GMT

Mart ayının 1-i “Demokratiya Məktəbi”nin növbəti dərsinə, tələbələrinin seçimi ilə “Libertarianizm” mövzusunda Rəşad Şirin mühazirəçi qismində dəvət olunmuşdur. Dərs diskussiya şəklində keçmişdir. Rəşad bəy tələbələrə libertarianizmin incəliklərindən, yaranma tarixindən, liberalizmlə oxşar və fərqli cəhətlərindən, həm siyasi, həm iqtisadi, həm də mədəni sahələrdə hansı ölkələrin tətbiq etdiyindən danışmışdır. Geniş informasiyalı mühazirədən sonra, Rəşad Şirin mövzu ilə bağlı tələbələrin suallarını cavablandırmışdır. Dərs təqribən 2 saat davam etmişdir. Mühazirədən sonra tələbələr növbəti dərsin mövzusunu və mühazirəçini müəyyənləşdirmişlər. Növbəti dərsin mövzusu “Beynəlxalq Ədalət Tezisi”, mühazirəçi isə gənc politoloq Ramin Hacılı olacaqdır. “Demokratiya Məktəbi”nin növbəti dərsi 8 mart, saat 13:00-da Dalğa Gənclər Hərəkatının mərkəzi ofisində olacaqdır.