Dünyada qlobal vətəndaş institutu kimi fəaliyyət göstərən Beynəlxalq Şəffaflıq Təşkilatı (Transparensy İnternational) korrupsiyaya qarşı mübarizə aparır və bütün dünyada korrupsiyanın insanların üzərində olan dağıdıcı təsirinə son qoymağa çalışır.
Dünyanı korrupsiyadan azad edərək dəyişdirmək Transparensy İnternationalın başlıca vəzifəsidir.
1993-cü ildə təsis edilən Transparensy İnternational fəaliyyətə başladığı vaxtdan antikorrupsiya hərəkatına təkan verərək milyonlarla insanın hayatının yaxşılaşdırılmasında mühüm rol oynayıb.
Transparensy İnternational qlobal şəbəkədir, hansı ki, dünyanın 90-dan çox ölkəsində təsis edilib və milli əsaslarla təşəkkül tapıb. Bu özüllər seçkilərdə şəffaflığı yaratmaq  üçün yerli hakimiyyət dairələrində, vətəndaş cəmiyyətlərində, biznesdə və s. sahələrdə sülh və  barışdırıcı mövqedən çıxış edirlər.
Siyasi tərəfi olmayan, bitərəf Transparensy İnternational güman edilən korrupsiyaya qarşı tez fəaliyyətə başlayır və bunun üçün əlverişli vəziyyət gözləyir. Transparensy İnternational qlobal və regional təşəbbüslə tam şəkildə korrupsiyayla mübarizə aparmaq üçün lazımi səriştəyə, təcrübəyə, eksperzitaya və geniş fəalliyyətə malikdir.

Korrupsiya nədir?

Korrupsiya hakim (səlahiyyətli) tərəfin şəxsi mənfəəti üçün səlahiyyətlərindən sui-istifadə etməsidir. Bu, səlahiyyətli şəxsdən asılı olan insanların həyatına və xoşbəxtliyinə zərər vuracaq qədər ciddi problemdir.
Korrupsiyayla mübarizənin əhəmiyyəti nədədir? Məsələ burasındadır ki, korrupsiyanın mövcudluğu hər bir sıravi insanın həyatını zərbə altında qoyur. Ata bəzən ayaqqabısız keçinməlidir, çünki onun cuzi maaşı uşaqlarını oxutmaq üçün rüşvətə sərf olunur.
Heç nədən şübhələnməyən xəstə adam saxta, zərərli narkotik alaraq öz sağlamlığını ciddi təhlükə altına qoyur. Kiçik mağaza sahibi hər həftə yerli inspektora rüşvət verərək, öz gəlirini azaldır. Deməli, korrupsiyaya qarşı mübarizə həm də insanların rifah halını yaxşılaşdırmaq uğrunda mübarizədir!
Zamanla korrupsiyanın başqa qolları da üzə çıxır: inkişaf etmiş milli korporasiya qanunsuz müqavilələr vasitəsilə qanuni yolla fəliyyət göstərən təşkilatların hesabına gəlir əldə edir.
Korrupsiya milyonlarla insanı kasıblığa və əzab - əziyyətə düçar edərək, sosial, iqtisadi və siyasi gərginlik yaradır.
- Korrupsiya kasıblığa yol açan ən əsas səbəbdir;
- Korrupsiya insanların yaşaması üçün sərf olunacaq gəlirləri mənimsəyərək rüşvətə çevirir;
- Korrupsiyanın kök saldığı yerdə insanların hüquqları tapdalanır;
- Korrupsiya milli və beynəlxalq biznesin inkişafına əngəllər yaradır;
- Korrupsiya özəl sektoru təhlükə altına qoyur;
- Korrupsiya təbii sərvətlərin daxili və xarici təhlükəsizliyinə mənfi təsir göstərir;
- Korrupsiya gender bərabərsizliyinin sistematik şəkildə pozulmasına yol açır.
Korrupsiyanın siyasi tərəfi də var: hər hansı seçkidə səslər rüşvətlə alına bilər, bu da cəmiyyətdə demokratik dəyərlərin pozulması, tapdanmasıdır. Məhz bu problemləri aradan qaldırmaq üçün Transparensy İnternationl  fəaliyyət göstərir.

Transparensy Azərbaycan haqqında

Transparensy İnternational bir müddət əvvəl Azərbaycanda öz ofisini açıb və fəaliyyətini bu gün də davam etdirir. Azərbaycan korrupsiyanın ən çox yayıldığı ölkələrdən biridir. Ölkədəki bu problemin aradan qaldırılmasında ən çox çalışan təşkilat Transparensy İnternationaldır. Azərbaycanda korrupsiyanın aradan qaldırılmsı məqsədi ilə Transparensy İnternational Milli  Antikorrupsiya Resurs Mərkəzini (Transparensy Azərbaycan) yaradıb. Milli Antikorrupsiya Resurs Mərkəzi Azərbaycanda ictimaiyyəti korrupsiyanın yüksək səviyyəsi və onun fəlakətli nəticələri barədə təlimatlandırır, geniş anti - korrupsiya koalisiyası yaradır və Azərbaycan cəmiyyətinin bütün sahələrini vətəndaş qrupları, işgüzar dairələri, ictimai sektoru və medianı korrupsiyaya qarşı mübarizə aparmaq üçün birləşdirir. Onun əsas məqsədi korrupsiyanı aşkarlamaq və buna qarşı mübarizə aparmaqdır.
Transparensy Azərbaycan əsas 3 istiqamətdə ixtisaslaşıb:

1. İctimaiyyətin təlimatlandırılması (seminarların, dəyirmi masaların və konfransların, məlumatların mətbuatda işıqlandırmasının təşkili);

2. Antikorrupsiya qanunvericiliyində çatışmamazlıqların aşkarlanması və hökümət üçün rəylərin hazırlanması;

3. Yerli işgüzar dairələrə İşgüzar Etikanın təqdim edilməsi.

Transparensy Azərbaycan ölkədə korrupsiyanın aradan qalxması və cəmiyyəti bu sahədə maarifləndirmək üçün müxtəlif tədbirlər həyata keçirir. Təşkilat əhalini maarifləndirmək üçün mütəmadi olaraq kitablar, kitabçalar, bukletlər və s.  nəşr edib cəmiyyətə çatdırır.
Transparensy Azərbaycan son illərdə fəaliyyətini daha da genişləndirib, təkcə Bakıda yox, Gəncədə, Lənkəranda, Qubada öz ofisin açıb və regionlarda korrupsiyaya qarşı mübarizəyə başlayıb.