Milli Demokratiya İnstitutu

Beynəlxalq əlaqələri olan Milli Demokratiya İnstitutu (MDI) qeyri-kommersiya təşkilatıdır. Bütün dünyada demokratiyanın genişlənməsi və güclənməsi üçün çalıır. Öz qlobal ekspert könüllüləri vasitəsilə MDI) demokratik dəyərlərə önəm verən vətəndaşlara və siyasi liderlərə yardım edir. NDI həmçinin siyasi təşkilatlara qrantlar ayırır ki, vətəndaşlara öz hüquqlarıyla bağlı bilgilər versin və vətəndaş cəmiyyətinin qurulmasında iştiraklarını təmin etmək üçün layihələr həyata keçirsinlər.

USAİD

Amerika Birləşmiş Ştatları (ABŞ) uzun illər boyu xarici ölkələrdə daha yaxşı həyat sürməyə, fəlakətin nəticələrini aradan qaldırmağa, azad və demokratik ölkədə yaşamağa can atan insanlara yardım əli uzadıb.
ABŞ-ın xarici ölkələrə yardımı daim onun xarici siyasət maraqlarına xidmət edib. Bu maraqlar həm demokratiyanı və azad bazarları genişləndirmək, həm də inkişaf etməkdə olan ölkələrin vətəndaşlarının həyat səviyyəsini yaxşılaşdırmaqdan ibarətdir. USAİD bu məqsədlərə nail olmaq üçün bütün dünyada fəaliyyət göstərir.

Avrasiya Fondu

«Biz inanırıq ki, vətəndaşların və səlahiyyətli təşkilatların cəlb edilməsiylə insanlar vətəndaşlıq hüquqlarının və iqtisadiyyatın inkişafı üçün özlərində nəsuliyyət daşıyırlar. Qarşılıqlı hörmətə əsaslanaraq bizim proqramımızı vətəndaşlar təchiz edir və bunun nəticəsində onlar öz cəmiyyətlərindəki mövqelərini təyin etməyə müvəffəq olurlar». Bu tezisin müəllifi Avrasiya Fondudur (AF). Fond öz fəaliyyətində məhz bu prinsiplərə söykənir.
Avrasiya Fondu - məxfi idarə olunan qeyri - kommersiya təşkilatıdır. Beynəlxalq əlaqələrin inkişafı üçün Birləşmiş Ştatlar və başqa ictimai təşkilatlar tərəfindən dəstəklənir.
1992-ci ildən Fond Əfqanıstanda, Ermənistanda, Azərbaycanda, Belarusda, Gürcüstanda, Qazaxıstanda, Moldovada, Rusiyada, Tacikistanda, Türkmənistnda, Ukraynada və Özbəkistanda ümumi dəyəri 360 milyon dollardan çox olan 8000 qrant layihəsi həyata keçirib.

Korrupsiyaya qarşı Transparensy İnternational var!

Dünyada qlobal vətəndaş institutu kimi fəaliyyət göstərən Beynəlxalq Şəffaflıq Təşkilatı (Transparensy İnternational) korrupsiyaya qarşı mübarizə aparır və bütün dünyada korrupsiyanın insanların üzərində olan dağıdıcı təsirinə son qoymağa çalışır.
Dünyanı korrupsiyadan azad edərək dəyişdirmək Transparensy İnternationalın başlıca vəzifəsidir.
1993-cü ildə təsis edilən Transparensy İnternational fəaliyyətə başladığı vaxtdan antikorrupsiya hərəkatına təkan verərək milyonlarla insanın hayatının yaxşılaşdırılmasında mühüm rol oynayıb.

Dünyanın hər yerində ABACEELI

Amerika Hüquqşunaslar Assosiasiyası dünən və bu gün…                                          

ABACEELİ (Amerika Hüquqşunaslar Assosiyasiyası) öz hüquqi norma proqramlarını Azərbaycanda 1999 - cu ildən həyata keçirməyə başlayıb və 2003-cü ildə Mülki Hüquq İslahatları proqramını yaradıb. Nəticədə Azərbaycanda müxtəlif hüquqi islahatlar başladı və səriştəli, bacarıqlı vəkillərin daha da təkmilləşməsinə start verildi. ABACEELİ-nin Azərbaycandakı fəaliyyətinə nəzər salarkən aydın olur ki, o, cəmiyyətin öz hüquqlarını dərk etməsi, bilməsi üçün hüquqi təhsilin, maarifləndirmənin keyfiyyətini yüksəldir, məhkəmə üzvlərinin fəaliyyətində şəffaflığı və məsuliyyəti gücləndirmək üçün maarifləndirmə işləri aparır.

Tanış olun: bu, İFES-dir!
        
İFES  (Beynəlxalq Seçki Sistemləri Fondu) dünyanın müxtəlif ölkələrində demokratiyanın inkişafı üçün çalışan qeyri-kommersiya təşkilatıdır. Bu beynəlxalq təşkilat fəaliyyət göstərdiyi ölkələrdə seçkilər zamanı aktiv şəkildə iştirak edir, seçkilərin demokratik keçməsi üçün həmin ölkələrə məsləhətlər verir, saxtalaşdırılma hallarının qarşısını almaq üçün texniki yardım göstərir.
Öz fəaliyyətində bitərəf mövqeyi ilə seçilən İFES müxtəlif layihələr həyat keçirir.

Internews

Internews Network bütün dünyada açıq kütləvi informasiya vasitələrinin inkişafına yardım edən beynəlxalq humanitar təşkilatdır. Bu təşkilat demokratiyanın yenicə meydana gəldiyi ölkələrdə müstəqil kütləvi informasiya vasitələrinə dəstək məqsədi ilə yenilikçi radio və televiziya proqramları hazırlayır, mətbuata yardım göstərir, habelə ölkə daxilində və ölkələrarası münaqişələrin azaldılması üçün açıq internet sistemini xüsusi vasitə kimi inkişaf etdirir. Təşkilat, baş qərargahı ABŞ-ın Kaliforniya ştatının Arkata şəhərində yerləşməklə, dünyanın 30 ölkəsində fəaliyyət göstərməkdədir.