Internews
Internews Network bütün dünyada açıq kütləvi informasiya
vasitələrinin inkişafına yardım edən beynəlxalq humanitar təşkilatdır.
Bu təşkilat demokratiyanın yenicə meydana gəldiyi ölkələrdə müstəqil
kütləvi informasiya vasitələrinə dəstək məqsədi ilə yenilikçi radio və
televiziya proqramları hazırlayır, mətbuata yardım göstərir, habelə
ölkə daxilində və ölkələrarası münaqişələrin azaldılması üçün açıq
internet sistemini xüsusi vasitə kimi inkişaf etdirir. Təşkilat, baş
qərargahı ABŞ-ın Kaliforniya ştatının Arkata şəhərində yerləşməklə,
dünyanın 30 ölkəsində fəaliyyət göstərməkdədir.
İnternyus Azərbaycanda öz ofisini 1997-ci ildə açıb. Təşkilat özünün
televiziya proqramlarını yerli televiziya kanallarına təmənnasız olaraq
təqdim edir. İnternyus eyni zamanda yerli jurnalistlər üçün təlim
məqsədilə seminarlar keçirir, onlara hüquqi yardım göstərir, müstəqil
kütləvi informasiya vasitələrinə müvəqqəti istifadə üçün lazımi
kameralar, montaj avadanlğı və kompüterlər təklif edir. Fəaliyyətinin
əvvəlində Azərbaycandakı müstəqil televiziya stansiyalarına yardım edən
bu təşkilat yaxınlarda öz faliyyətini çap və radio sahələrinə qədər
genişləndirib. Yerli kütləvi informasiya vasitələri ilə əməkdaşlıq
şəraitində işləyən İnternyus, həm də ölkə əhalisinə obyektiv və
qərəzsiz informasiya təklif edir. İnternyus Azərbaycan İctimai
Birliyi (İAİB) Azərbaycan Respublikası Ədliyyə Nazirliyi tərəfindən
2002-ci ilin may ayında rəsmi şəkildə qeydiyyatdan keçmişdir. 2004-cü
ilin sonuna kimi İAİB, əsasən ABŞ-ın qeyri-hökümət təşkilatı olan
İnternyus Şəbəkəsinin yerli partnyoru kimi çalışıb və USAİD tərəfindən
maliyyələşən media layihələrinin icrası ilə məşğul olub. 2005-ci ilin
yanvarından etibarən İnternyus Azərbaycan müstəqil yerli təşkilat kimi
müxtəlif ABŞ və Avropa fondları tərəfindən maliyyələşir, öz
layihələrinin hazırlanması və icrasını yerinə yetirir. Bu gün də
İnternews Azərbaycan müstəqil yerli təşkilat olaraq, Azərbaycan
mediasının inkişafına öz töhvəsini verməkdə davam edir.
İnternyus Azərbaycanın fəaliyyət çərçivəsinə təhsil, mədəniyyət və
elm sahələri də daxildir. Bu təşkilat kütləvi informasiya sahəsində
böyük təcrübəyə malik yüksək səviyyəli mütəxəssislərdən ibarət
komandaya malikdir. İnternyus Azərbaycan 1997-ci ildən bu yana 500
professional jurnalistin iştirak etdiyi 50-dən çox seminar keçirib.
Seminarlar əsasən seçkilər, gender problemləri, ekologiya,
jurnalistikanın əsasları, menecment, reklam və bir çox müxtəlif
mövzuları əhatə edib. Təşkilat öz avadanlığı və studiyasından istifadə
edərək, müxtəlif efir proqramlarının istehsalı ilə məşğuldur. Bu
proqramlar regional xəbərlər də daxil olmaqla, seçki, siyasi tok
şoular, ekologiya, iqtisadiyyat və başqa mövzulardadır. 2001-2002-ci
illərdə İnternyus Azərbaycan və İnternyus Ermənistan «Bakı-Yerevan
Telekörpüsü» layihəsi üzrə «Atəş Xətti» adlı 24 proqram hazırlay ıb. Bu
proqram peyk vasitəsilə hər iki ölkənin vətəndaşlarına hələ də
qaynamaqda olan Qarabağ münaqişəsi ilə bağlı məsələləri üzbəüz müzakirə
etmək imkanı verdi.
İnternyus hazırda aşağıdakı proqramlar üzərində işləyir: «Yolayrıcı»
(Crossroads ) - Qafqaz üzrə yeganə həftəlik televiziya proqramıdır ki,
Azərbaycan, Gürcüstan və Ermənistandan xəbərlər və telesüjetlər təklif
edir. «Media və Mən» - ABŞ-ın həftəlik «Bazar Günü Səhər»
proqramının modeli əsasında yaradılıb və həftəlik proqramdır. Bu
proqram mətbuatın üzləşdiyi problemləri və onların yerli şəraitdə necə
əhatə olunduğunu nəzərdən keçirir. «1/2» adlı yeni, gender
məsələlərinə həsr olunmuş və Azərbaycanda yayımlanacaq ilk 30 dəqiqəlik
proqramdır - yaşadıqları cəmiyyəti dəyişmək istəyən qadınlar və onların
xarakterlərindən bəhs edir. Qeyd edək ki, vəkillik təşkilatın əsas
fəaliyyət sahəsidir. Belə ki, İnternyus Azərbaycanda kütləvi
informasiya vasitələrinin hüquqları və söz azadlığının müdafiəsi
uğrunda effektiv vəkillik vasitəsilə mətbuat üçün qanunla tənzimlənən
mühit yaratmaq uğrunda çalışır. Internyus kütləvi informasiya
vasitələri üçün təzyiqlərlə üzləşmə, bağlanma və ya jurnalistlərin həbs
olunması hallarında hüquqi yardım göstərir.
|