Amerika Hüquqşunaslar Assosiasiyası dünən və bu gün…                                          

ABACEELİ (Amerika Hüquqşunaslar Assosiyasiyası) öz hüquqi norma proqramlarını Azərbaycanda 1999 - cu ildən həyata keçirməyə başlayıb və 2003-cü ildə Mülki Hüquq İslahatları proqramını yaradıb. Nəticədə Azərbaycanda müxtəlif hüquqi islahatlar başladı və səriştəli, bacarıqlı vəkillərin daha da təkmilləşməsinə start verildi. ABACEELİ-nin Azərbaycandakı fəaliyyətinə nəzər salarkən aydın olur ki, o, cəmiyyətin öz hüquqlarını dərk etməsi, bilməsi üçün hüquqi təhsilin, maarifləndirmənin keyfiyyətini yüksəldir, məhkəmə üzvlərinin fəaliyyətində şəffaflığı və məsuliyyəti gücləndirmək üçün maarifləndirmə işləri aparır.
Hazırda ABACEELİ Azərbaycanda 7 ayrı-ayrı proqram həyata keçirir. Bunlar aşağıdakılardır:
- Hüquq müdafiə mərkəzi;
- Hüquqi təhsil islahatı;
- Vəkil ilə səyahət;
- Hüquq təhsil mərkəzi;
- Qadın Hüquqşunaslar assosiyasiyası;
- Hüquq məhkəmə islahatları;
- Antikorrupsiya.

ABACEELİ-nin Azərbaycan və Türkmənistan üzrə direktoru Frank Hespadır.
ABACEELİ təşkilatının irəli sürdüyü əsas tezis hüquqi normaların genişləndirilməsidir, çünki bu, bəşəriyyətin qarşısında duran problemlərə qarşı ən effektli göstəricidir. Bu problemlər sırasına həmçinin yoxsulluq, iqtisadi böhran və münaqişələr daxildir.
Hüquqi normalar baxımından tez-tez nöqsanlara yol verən hökumətlərin öz əhalisinin ehtiyaclarını qarşılamağa gücləri çatmır. Faktiki olaraq dünya əhalisinin yarısından çoxu hüquqlarının tapdanmasından əziyyət çəkir. Bu da öz növbəsində iqtisadi inkişafın qarşısını alır, məhkəmə sisteminin düzgün işləməməsi və fiziki təhlükəsizliyin çatışmamazlığına gətirib çıxarır.
Hüquqi prinsiplərin tapdanmasının qlobal nöqsan olması nəinki dünya hüquq cəmiyyətlərinin, həmçinin dünya liderlərini başlıca problemi olmalıdır.
Amerika Hüquqşunaslar Assosiyasiyası hüquq sahəsindəki fəaliyyətini islahatlar şəklində 40-dan çox  ölkədə yürütməyə başlayıb. Bura Afrika, Asiya, Avropa, Latın Amerikası, Karib dənizi ətrafı və Yaxın Şərq ölkələri daxildir.
ABACEELİ-nin yaradılması və hüquq sahəsindəki ilk fəaliyyəti 1990-cı ilə təsadüf edir. Ölkə xaricində ilk ofisi isə 1991-ci ildə Bolqarıstanın paytaxtı Sofiyada açılıb. ABACEELİ Asiyada öz fəaliyyətinə 1998-ci ildə başlayıb. Afrika, Latın Amerikası, Karib dənizi ölkələrində 2000-ci ildən, Yaxın Şərqdə isə 2003-cü ildən işləyən bu təşkilatın həyata keçirdiyi proqramlar ona dünyanın hər yerində çoxlu müttəfiq qazandırıb.
Hüquq sahəsindəki bu təşəbbüslərin həyata keçirilməsi üçün xarici ölkələrdə peşəkar, təcrübəli hüquqçular - bura vəkillər, hakimlər, hüquq professorları və s. daxildir - hüquq sahəsində olan problemləri aradan qaldırmaq və proffesional hüquq təşkilatçılığını yaratmaq üçün çalışırlar. Bu hüquqşunaslar dəstəsi islahatçılar, hökumət və qeyri-hökumət sektoruyla əl-ələ fəaliyyətini indinin özündə də səylə davam etdirir.
Bu gün ABACEELİ ABŞ-da və ondan xaricdə 400-dən çox proffesional ştat yaradıb. 1990-cı ildən Birləşmiş Ştatlar və dünyanın digər bölgələrində könüllülər dəstəsi 200 milyon dollar dəyərində texniki və hüquqi yardım göstərib.
ABACEELİ hüquq və texnika sahəsindəki köməyini, islahatlarını davam etdirir və yeni sahələrdə işlər görür. Bunlar antikorrupsiya, mülki hüquq islahatları, insan alveri, gender problemi, insan hüquqlarının qorunması, münaqişələrin azaldılması, məhkəmə islahatları, hüquq təhsil islahatları və hüquqi ixtisas islahatlarıdır.